Berglind Snorra er gullsmiður, og húsgagna- og vöruhönnuður. Hún nam gull- og silfursmíði hjá Jóni Snorra Sigurðssyni gullsmíðameistara hjá Jens ehf. og lauk námi 2003.  



Árið 2004 hóf Berglind BA (Honours) nám í Húsgagna- og Iðnhönnun (Furniture Design and Related Products) við Sheffield Hallam University í Englandi og útskrifaðist þaðan árið 2007.

​

Árið 2006 stundaði Berglind nám í Prag við háskólann, Academy of Arts Architecture and Design. Sama ár fékk Berglind viðurkenningu fyrir hönnun á ljósi í hönnunarsamkepni Orkuveitu Reykjavíkur.

Árið 2007 starfaði Berglind í London hjá Established & Sons sem er leiðandi í húsgagnahönnun á alþjóðamarkaði. Í dag er Berglind í hópi aðalhönnuða Jens ehf.